حرب لبنان: آن للذكرى… أن تصبح عبرة

بوسطة الفتنة بالـ75 فرّقّتنا… هوية لبنان بالـ2025 بتجمعنا

كتب رئيس التحرير خير-جورج القارح

بعد 50 سنة من حرب الفتنة يللي فرّقتنا
صار لازم نخلص احتفالات بالذكرى ونكون تعلمنا العبرة

بعد 50 سنة من حرب الفتنة يللي فرّقتنا
صار لازم هوية الوطن اللبناني توحّدنا

بعد 50 سنة من الحرب المشؤومة
صار لازم نكون اقتنعنا إنو ما إلنا غير بعض

بحرب الـ 75
قتّلنا بعض
دبّحنا بعض
هجّرنا بعض

بحرب الـ 75
دمّرنا بلدنا
حرقنا بلدنا
خربنا بلدنا

بحرب الـ 75
حرّضونا على بعض
كرّهونا ببعض
خوّفونا من بعض

اليوم
بعد 50 سنة
صار لازم… نقول ما إلنا غير بعض

صار لازم… نقتنع نعيش مع بعض

صار لازم… نحترم خصوصيات بعض

وإلاّ ما رح نقدر نعيش سوا وما رح يبقى بلد يجمعنا سوا

حرام نضلّ نخرب بلادنا… كرمال بلاد تانية

حرام نضلّ نقتل ولادنا… كرمال بلاد تانية

# لبنان الحياد لبنان الحياة

# لبنان وبس أولاً وأخيرًا دائمًا وأبدًا

# لبنان إلنا مش إلن